La Liga këtë sezon po duket shumë më garuese se sezonet e kaluara. 
Këtë e dëshmon edhe diferenca e vogël e pikëve mes ekipeve që janë në kreun e tabelës, transmeton Indeksonline.
Ekipi që ka arritur të befasoi më së shumti, është ai i Alavesit. Ata për momentin gjenden në pozitën e katërt, me 31 pik, një më shumë se Real Madrid por që këta të fundit kanë një ndeshje për të zhvilluar sot.
Alaves arriti që dje të mposht ekipin e Valencias me rezultat 2:1, duke vazhduar kështu ecurinë fantastike si vendas.
Ata këtë sezon janë të pamposhtur si vendas. Duke u bërë kështu bashkë me Atletico Madridin të vetmet skuadra pa humbje si vendas në La Liga.
Asnjë nga top skuadrat si Barcelona, Real Madrid, Atletico Madrid dhe Sevilla nuk kanë arritur të dalin me pikë të plota nga stadiumi ‘Mendizorrotza’ .
Përveç këtyre statistikave të mrekullueshme, skuadra e Alaves janë shquar edhe për kthime të rezultateve.
Këtë sezon, ata kanë kthyer rezultatin katër herë përderisa ishin në disavantazh.
Se sa do të vazhdoj kjo ecuri e mirë e Alaves mbetet të shihet.
