Qendra e Studentëve e Universitetit të Prishtinës (UP), ka shpallur konkursin për pranimin e studentëve për banim në konvikte dhe për ushqim në mensë për vitin akademik 2016/2017.
Konkursi do të jetë i hapur prej datës 05.09.2016 deri më datën 13.09.2016.
“ Risi për këtë vit akademik është se studentët të cilët do të aplikojnë për strehim dhe ushqim në Qendrën e Studentëve, aplikimin do ta bëjnë përmes sistemit ONLINE, në adresat zyrtare të QS, web faqes www.qs.rks-gov.net dhe profilit zyrtar Facebook Qendra e Studenteve-Prishtinë. Kjo do të krijojë kushte më të lehta për aplikim nga ana studentëve.
Edhe këtë vit Qendra e Studentëve e Universitetit të Prishtinës do të pranojë afër 3600 studentë, për të cilët ofron strehim, ushqim si dhe hapësirat për lexim,studim, sport dhe aktivitete tjera të ndryshme”, thuhet ne njoftimin për media.
Mënyrat e përzgjedhjes së kandidatëve të cilët do të fitojnë të drejtën për strehim dhe ushqim do të bëhet në bazë të kritereve të përcaktuara me konkurs.
Çmimi do të jetë 35 € për muaj (20 € banimi, 15 € ushqimi).
