Shqipëria ka regjistruar humbje të thellë kundër Skocisë, me rezultatin 0:4.
Që nga fillimi, asgjë nuk shkoi mirë për kombëtaren “kuq e zi”. Fillimisht ishte Ryan Fraser që në minutën e 14’ realizoi për 0:1, shkruan lajmi.net.
8 minuta më vonë, Mavraj, shkaku i një veprimi të pamenduar mirë, u ndëshkua me kartonin e kuq.
Në fund të pjesës së parë, saktësisht në minutën e 45’, Steven Fletcher dyfishoi epërsinë e mysafirëve, duke realizuar nga pika e bardhë.
10 minuta pas fillimit të pjesës së dytë, James Forrest ndëshkoi për herë të tretë kombëtaren e Shqipërisë.
I njëjti realizoi në minutën e 67’ për rezultatin përfundimtarë 0:4.
Këtë nuk e pritën aspak mirë përkrahësit e Shqipërisë. Nga tribunat u adresuan fyerje të ndryshme drejt selektorit Panucci.
Kjo edhe mund të jetë ndeshja e fundit që e gjen italianin në stolin “kuq e zi”.
