Studentë të Universitetit të Prishtinës, të përkrahur nga Organizata për Rritjen e Cilësisë në Arsim (ORCA), do të mbajnë sot tubim protestues në oborrin e rektoratit për të kundërshtuar avancimin e një profesori i cili dyshohet për disa shkelje të rënda disiplinore, përfshirë edhe sulm seksual.
Tubimi protestues mbahet në oborrin e rektoratit nga ora 12:00.
Tubimi mbahet kundër një profesori nga Fakulteti i Mjekësisë i cili pritet të avancohet në gradën e profesorit të rregullt.
Më thirrjen për këtë protestë ORCA pohon se ndaj këtij profesori janë tri akuza: për plagjiaturë, për falsifikim dhe për ngacmim seksual ndaj një studenteje specializante.
Kërkesat e tubimit protestues:
- Suspendimi i profesorit deri në përfundimin e hetimeve.
- Hetimi i brendshëm për të gjitha akuzat ndaj tij të bëra për a. plagjiaturë, b. falsifikim dhe c. ngacmim seksual.
