Julen Lopetegui ka thënë se ai nuk është duke menduar për triumfin ndaj Viktoria Plzenit në Ligën e Kampionëve, pasi duhet të përgatiten për ndeshjen ndaj Barcelonës.
“Kjo pyetje nuk është për mua. Aktualisht jam duke menduar për të dielën dhe duke filluar nga nesër (e mërkure) do të punojmë rreth lojës”, ka thënë trajneri i Real Madridit pas ndeshjes, përcjell “lajmi.net”.
“Gjithçka që them është tepër larg, nuk i jap rëndësi asaj. Kemi pasur nevojë për një triumf, kemi pasur shanse shumë të pastra në ndeshje. Luajtëm një ndeshje të bukur që na motivon dhe ne do të përgatitemi për të shumë mirë”, ka shtuar më tej Lopetegui.
Kujtojmë se Real Madridi dhe Barcelona do të përballen në këtë fundjavë, e që do të jetë vëmendja e të gjithëve aty, pasi që të dy skuadrat kanë vuajtur për më shumë se katër ndeshje për rezultate të mira.
