Shefi i BDI’së, Ali Ahmeti, ka kërkuar nga qytetarët e Maqedonisë t’i përgjigjen me qetësi referendumit për ndryshimin e emrit të Maqedonisë.
“Procesi është duke ecur mirë”, ka thënë Ahmeti, posa ka votuar në referendum.
“Qytetarët do të votojnë për të ardhmen e tyre. Jemi angazhuar që nga një tetori Maqedonia të jetë pranë vendeve të BE’së”, ka shtuar ai.
Kryetari i BDI’së ka thënë se të gjithë njëzëri kanë qenë pro ecjes së Maqedonisë drejt BE’së dhe NATO’s.
“Me të drejtë, ne presim që Maqedonia të hapërojë por edhe të realizojë qëllimet e veta historike, për të instaluar një paqe të qëndrueshme, siguri, investime, zhvillim ekonomik. Të punojmë pandalur drejt sundimit të ligjit”, ka shtuar ai.
