Arbër Hoxha, talenti i ri 17 vjeçar reprezentues i U-19 të Kosovës nënshkruan për Prishtinën.
FC Prishtina nuk ndalet së grumbulluari të talenteve të reja vendore dhe shumë perspektivë për të ardhmen e futbollit ton dhe në veçanti të FC Prishtina.
Këtë luftë të madhe për grumbullimin e talenteve, Prishtina e fiton edhe me skuadrën e madhe kroate, Hajduk Split. Hoxha, deri tani ishte në prova te skuadra e mirënjohur kroate, por talenti nga Peja përfundimisht i bashkëngjitet Prishtinës.
Arbër Hoxha ka luajtur në Superligë me ekipin e parë të Istogut më 16 vjeç. Edicionin e fundit, 2015/16 ka shënuar dy gola.
Hoxha, i lindur më 06. 10. 1988 në Pejë, i gjatë 185 cm, mesfushor i majtë, të luaj futboll si fëmijë ka nisur në skuadrën lokale, Banja për të debutuar pastaj në ekipin e parë të Istogut.
Hoxha është reprezentues i Kosovës për grupmoshat U-19.
“Për Prishtinën vendosa, sepse është klub serioz që ka shumë ambicie dhe së bashku për të vazhduar përpara. Konkurrenca e madhe në ekipin e Prishtinës vetëm sa më shtyn të punoj më shumë, të vazhdoj përpara dhe të motivon që në këtë konkurrencë të jesh më i miri dhe të zësh vend në formacionin titullar”, ka thënë më rastin e nënshkrimit të kontratës tre-vjeçare, Arbër Hoxha, i cili në shpinë do të mbaj numrin 66.
