Në prag të ndeshjes së parë të Kosovës në kryeqytet, që do ta zhvilloj ndaj Ishujve Faroe, federata priti një mysafir special.
Fjala është për sekretarin gjeneral të UEFA, Theodore Theodoridis, njofton FFK.
Ky pritet të jetë mysafiri special sonte në tribunë.
Ky është lajmërimi i plotë nga Federata e Futbollit të Kosovës:
10 shtator, 2018 – Sekretari gjeneral i UEFA-s, Theodore Theodoridis së bashku me bashkëpunëtorët e tij, Thierry Favre dhe Denis Bastari, do të qëndrojnë gjatë ditës së hënë për vizitë në FFK, ku do të priten nga presidenti Agim Ademi me bashkëpunëtorë. Ata rreth orës 12:00 do t’i drejtohen për një prononcim mediave, derisa në mbrëmje do të jenë mysafirë special në ndeshjen e dytë të Ligës së Kombeve që Kombëtarja e Kosovës do ta luajë kundër Ishujve Faroe, në stadiumin “Fadil Vokrri” në Prishtinë, në orën 20:45.
