Shkarkimi i kryeprokurorit Aleksandër Lumezi, vetting gjyqësorit dhe pastrimi i listave të veteranëve, janë këto tri kërkesat e protestës së sotme të iniciativës qytetare “Protestoj”.
Organizatorët e protestës thanë se pasi kjo situatë vjen si pasojë e fryerjes së listave të veteranëve, është e udhës që aty të marrin pjesë edhe veteranët e vërtetë të luftës së UÇK-së.
Protesta e nesërme është vazhdim i asaj që u mbajt javën e kaluar, dhe fillon në ora 18:00 nga sheshi ‘Zahir Pajaziti’, për të marshuar drejt Zyrës së kryeprokurorit dhe përfundon te Qeveria ku do të mbahen fjalimet.
