Intervista tjetër e ish-presidentit Rugova rreth kufijve… (Dokument)

Debate i fundit rreth korrigjimit dhe shkëmbimit të territoreve ka nxitur reagime të shumta në vend. Madje, për këtë çështje qe disa herë janë duke u cituar edhe fjalët që i kishte thënë presidenti i ndjerë, Ibrahim Rugova.

Në një intervistë për revistën shqiptare të Luginës së Preshevës “Jehona”, nr. 8-9, tetor-nëntor 1992, para 26 vitesh, ai ishte shprehur lidhur me ndryshimin e mundshëm të kufijve midis Kosovës dhe Serbisë.

“Presheva, Bujanoci dhe Medvegja janë të ndara nga Kosova me një shirit të hollë administrativ, të cilin Serbia e preu me gërshërë në shenjë promovimi të të ashtuquajturës Serbi unike të datës 28 marsi 1989. Sado që Evropa është për mosndërrim të kufijve, për çka Serbia nuk çan kokën mos po ngutemi që ne vetë t’ia kthejmë kufijtë Serbisë aty ku i kishte më parë, me ndonjë autonomi të kërkuar vullnetarisht”, ka deklaruar Rugova.