Komuna e Prishtinës rrënon një shtëpi në Kolovicë, familjarët thonë se do ta ndërtojnë një tjetër më të mirë (Video)

Një shtëpi dykatëshe në Kolovicë, është rrënuar me vendim të Komunës së Prishtinës.
Mirëpo, banorët e kësaj shtëpie – familja Ahmeti – kundërshtuan këtë vendim. Ata madje vendosën që të qëndronin brenda shtëpisë.
Pas intervenimit të Policisë familjarët u larguan, dhe puna për rrënimin vazhdoi.
Njëri nga familjarët ka deklaruar që kishin një marrëveshje verbale me Komunën, e cila nuk u respektua, ndërsa shtojnë se do ta ndërtojnë një tjetër më të mirë. E, në Drejtorinë e Inspeksionit thonë që nuk u ndoqën procedurat për të marrë lejen, ndaj u detyruan ta marrin vendimin për rrënim. /Klan Kosova/