“Ndarjen nga jeta të Bacës Adem e kemi përjetuar me dhimbje të thellë unë dhe familja ime. Veprimtaria e Bacës Adem si për shumë veprimtarë të tjerë ishte frymëzim edhe për mua. Fatin që ta njoh fizikisht Bacën Adem e kisha përmes dy bashkëpunëtoreve të mi veprimtar te hershëm te çështjes kombëtare Ahmet Haxhiut dhe Nazmi Llapashtica”, ka shkruar Syla transmeton RTK.
Sipas tij, baca Adem ka dhënë një kontribut te jashtëzakonshëm për lirinë dhe pavarësinë e vendit tonë, ka qëndruar gjithmonë vertikal dhe i palëkundur përkundër sfidave të mëdha që ka kaluar në jetën e tij.
“Rrallë ndodhë në histori që një personalitet të jep gjithçka nga jeta për vendin e tij por i tillë ishte Baca Adem. Ai ishte një njeri i hekurt, vizionar, largpamës dhe përkrahës i fort i joni për mobilizimin dhe organizimin e luftës çlirimtare në Kosovë. Prandaj e nderuara familje Demaçi në pamundësi që të jem me juve në këto ditë dhimbje, pranoni ngushëllimet e përzemërta nga unë dhe familja ime”, shkruan në telegramin e ngushëllimit të Sylës të publikuar nga RTK.
Veprimtari Adem Demaçi ka vdekur në moshën 82 vjeçare pasditen e 26 korrikut.
Azem Syla ndodhet në arrest shtëpiak për shkak se është duke u përballur me një aktakuzë për tjetërsim pronash.
