Kryetari i Nismës Socialdemokrate dhe zëvendëskryeministri i Kosovës, Fatmir Limaj ka marrë pjesë në Tubimin Përkujtimor në 20 vjetorin e Betejës së Llapushnikut.
Limaj e ka vlerësuar fort këtë betejë. Ai ka thënë se beteja e Grykës së Llapushnikut kishte karakter strategjik në shumë drejtime.
Ka përmendur nxjerrjen e izolimit nga Drenica si dhe pamundësoi sulmin e serbëve në pjesën e Dukagjinit.
“Beteja e Llapushnikut shpërtheu izolimin e Drenicës duke ofruar mundësi që viseve tjera të furnizojnë këtë pjesë të Kosovës me ushqime, armë e municione që duheshin në atë kohë. Beteja e Llapushnikut ka peshën e vet sepse ndërpreu lëvizjen e Serbeve për të sulmuar forcat e UÇK-së në Dukagjin”, ka thënë ndër të tjera Limaj.
Më tutje ai ka thënë se strategjia serbe e praktikuar në vitin 1945 i dështoi Serbisë, sepse sipas tij, njëjtë u munduan në 1998 izolimin e Drenicës, por Gryka e Llapushnikut nuk lejoi të përsëritet 1945. Kushtrimit të komandantit lejgendar ai thotë se iu përgjigj e tërë Kosova.
“Liria jonë është e ndërtuar me përpjekje të të gjithëve. Mos lejoni gjëra ditore të humbin orientimin tonë. E orientimi ynë ruajtja e vlerave kombëtare dhe respektimi e nderimi për ata që dhanë më të shtrenjtën”.
“Jemi në përvjetorin e Skënderbeut heroit e identitetit tonë kombëtarë. Para çdo gjë tjetër mos harroni e mos lejoni. Nuk ka asgjë më të shtrenjtë nga ajo që na bashkon, pra është flamuri e gjuha jonë dhe heronjtë tanë me Gjergj Kastriotin Skënderbeun dhe ai që ia mundësoi lirinë e Kosovës, Adem Jasharin”, ka shtuar Limaj.
Zëvendëskryeministri ka kujtuar qindra luftëtarë, invalidë e veteranë të cilët ishin në vija të frontit dhe qytetarët e kësaj zone të cilët sipas tij, pa dallim ishin në shërbim të luftës.
