Komuna e Skenderajt e cila udhëheqet nga Bekim Jashari, ka publikuar disa dokumente që thuhet se janë në kundërshtim me të gjitha ligjet në fuqi.
Arsyeja e publikimit të këtyre dokumenteve thuhet të jetë kërkesa e vet qytetarëve të kësaj Komune.
Lexoni publikimin e plotë të Komunës së Skenderajt:
Shkeljet Ligjore…
Me kërkesën e qytetarëve për publikimin e disa dokumenteve në kundërshtim me të gjitha ligjet në fuqi, dhe në zotimet tona të përbashkëta për qeverisje transparente, në vazhdim gjeni disa prej tyre.
-Foto 1. Ish- Nënkryetari i Komunës së Skenderajt, Fadil Nura, me datën 03.10.2011, me numër protokoli: 464-72, nënshkruan vendimin ” PËR DHËNIEN NË SHFRYTËZIM TË TOKËS KOMUNALE NË AFAT PREJ 10 VITEVE ME DESTINIM PËR VENDOSJEN E TREGUT TË GJELBËRT”. Nënshkruan në vend të ish- kryesuesit të kuvendit komunal, që është në kundërshtim me ligjin për vetëqeverisje lokale dhe ligjet e tjera në fuqi.
– Foto 2. Ish- Drejtori për Urbanizëm dhe Mbrojtjen e Ambientit, Driton Mulaj, nënshkruan pëlqimin me nr. 6-350-56374, i datës 20.10.2016. Jep pëlqim NTSH “Doni Comerc” afërsisht 40 ari, për shfrytëzim të përkohshëm (parking publik) pa pagesë. Në kundërshtim me ligjet në fuqi.
