Hyseni sot flet për parandalimin e terrorizmit në Ferizaj

Ministri i Punëve të Brendshme, Skender Hyseni, në kuadër të takimeve që do të mbajë në të gjitha rajonet e Kosovës, sot do të takohet me anëtarët e Forumeve lokale të Sigurisë të regjionit të Ferizajt.
Në këto takime do të diskutohet për trafikimin me qenie njerëzore, përdorimi i drogave dhe për parandalimin e Radikalizmit dhe Ekstremizmit të dhunshëm që shpie në terrorizëm.
Në komunën e Ferizajt do të marrin pjesë përfaqësuesit e forumeve nga komunat e këtij regjioni: komuna e Kaçanikut, komuna e Shtimes, komuna e Hani Elezit dhe komuna e Shtërpcës..
Takimi do të mbahet në sallën e Kuvendit Komunal në Ferizaj.