Zëvendësministri i Shëndetësisë, Izet Sadiku, me bashkëpunëtorë priti në takim Drejtoreshën e Drejtorisë Farmaceutike të Ministrisë së Shëndetësisë së Shqipërisë, Shpresa Bello, ku diskutuan për forcimin e bashkëpunimit në këtë dikaster.
Sadiku tha se në kuadër të Marrëveshjes së Bashkëpunimit, mes dy ministrive, është më se i nevojshëm një bashkëpunim më konkret mes departamenteve farmaceutike të dy ministrive.
“Thellimi i bashkëpunimit në fushën e farmaceutikës do të ishte i mirëseardhur për të dy shtetet në raste të caktuara, kur barnat të cilat ka nevojë urgjente njëri departament, të mbulohet nga departamenti tjetër”, tha Zëvendësministri Sadiku.
Bello e mirëpriti gatishmërinë për forcimin e bashkëpunimit në fushën e farmaceutikës, dhe shprehu vullnetin për të punuar në këtë drejtim, që kjo të realizohet sa më mirë që të jetë e mundur.
