Qeveria e Kosovës nesër gjatë ditës do të mblidhet dy herë. Që të dyja këto mbledhje kanë të bëjnë me çështjen e Marrëveshjes së shënjimit të vijës kufitare me Malin e Zi.
Burime të Indeksonline bëjnë të ditur se mbledhja e parë do të jetë ajo ku do të bëhet tërheqja e Projektligjit për demarkacion. Ndërsa tjetra pak më vonë do të procedohet për në legjislativ Projektligjin e ri me aneks-marrëveshjen e nënshkruar nga të dy presidentët, Hashim Thaçit dhe Filip Vujanoviqit.
Indeksonline mëson se mbledhja e parë do të nis në orën 10:00, kurse ajo e dyta në orën 16:00.
Kësisoj, aneks-marrëveshja e nënshkruar ka për qëllim rishikimin dhe korrigjimin e vijës kufitare ndërmjet dy vendeve në drejtim të territorit në Çakorr dhe Kullë.
