Aymeric Laporte mund të quhet lojtari më i ri i Manchester Cityt.
Mbrojtësi spanjoll ka arritur marrëveshje personale me gjigantin anglez dhe pritet të zyrtarizohet së shpejti.
Pas disa takimeve drejtuesit e Athletic Bilbaos dhe ata të Manchester Cityt kanë arritur edhe marrëveshje për shumën e kalimit të Laportes në Angli.
City është pajtuar të paguajë 65 milionë euro për transferimin e Laportes në ‘Etihad Stadium’.
Laporte fillimisht ka bërë disa analiza të gjakut në një klinikë në Bilbao dhe gjithçka ishte në rregull.
Të hënën lojtari pritet të mbërrijë në Angli për t’i kryer testet përfundimtare mjekësore.
Kësisoj Laporte bëhet mbrojtësi i dytë më i shtrenjtë në histori të futbollit pas holandezit Virgil Van Dijk.
