Kandidatja presidenciale demokrate në SHBA, Hillary Clinton, e ka kritikuat fuqishëm kundërshtarin e saj republikan, Donald Trump për nxitje të dhunës me deklarata të pamatura rreth të drejtës kushtetuese për armëmbajtje.
Komentet e bëra nga Trump më 9 gusht bënin thirrje për aktivistët që lobojnë për të drejtën e mbajtjes së armëve që ta ndalojnë Clintonin për të emëruar gjykatës liberal në Gjykatën Supreme. Ky koment është dënuar dhe ka vazhduar të trondis përkrahjen për Trumpin nga zyrtarë të lartë të partisë republikane.
Clinton iu ka thënë përkrahësve më 10 gusht se komenti i Trump nxiste dhunë.
Trump, nga ana tjetër është munduar të sqarojë komentin e bërë gjatë një interviste televizive duke thënë se ka bërë thirrje për veprim politik, jo fizik kundër Clinton.
Kandidati republikan i cili ka bërë shumë deklarata bombastike gjatë fushartës së tij, vazhdon të qëndrojë shumë prapa Clintonit në sondazhet e kryere, duke nxitur kështu shqetësimin e liderëve republikanë që dyshojnë në temperamentin e Trumpit.
Një ditë pas komentit që u vlerësua si nxitës i dhunës ndaj rivales, Clinton, Donald Trump bëri një koment tjetër që gjithashtu shkaktoi habi duke thënë se Presidenti Obama është themelues i grupit ekstremist, Shteti Islamik.
“Në shumë mënyra, e dini, ata e nderojnë Presidentin Obama. Ai është themeluesi i ISIS”, ka thënë Trump.
Prishtinapress.net është gazetë online e lajmeve nga vendi dhe bota. Ne mbesim të përkushtuar që të ofrojmë lajmet dhe ngjarjet me profesionalizëm, informim te drejtë, të paanshëm dhe të shpejtë. Materialet dhe informacionet në këtë portal mund të kopjohen, të shtypen ose të përdoren por vetëm pas referimit te qartë te burimit te portalit PrishtinaPress në përputhje me kushtet e përdorimit. Ne jemi të parët!
Na kontaktoni në email: info@prishtinapress.net
Për marketing në email: marketingu@prishtinapress.net
Tel: +383 (0) 46 701 - 702 apo +383 (0) 48 911 - 118
© Copyright - www.prishtinapress.net