Ministri i Administrimit të Pushtetit Lokal, Elbert Krasniqi, ka deklaruar se do të jetë pjesë e kabinetit të ardhshëm qeveritar “vetëm nëse kryeministër është Albin Kurti”.
Ai ka thënë para mediave se gjatë këtij mandati ka pasur partneritet dhe bashkëpunim të shkëlqyeshëm me kryeministrin Albin Kurti.
“Po, do të jem pjesë e një koalicioni të ardhshëm e tash është mirë i definuar ky partneritet. Është gjithçka parimore dhe e bazuar në mirëbesim…S’ka asnjë dyshim se do të jem pjesë e koalicionit të ardhshëm qeveritar, e do të jetë vetëm pjesë e një koalicioni ku kryeministër është Albin Kurti”, u shpreh ai të mërkurën.
Krasniqi, kryetar i Iniciativës së Re Demokratike të Kosovës (IRDK) i ka marrë mbi 4.600 vota në zgjedhjet parlamentare të 9 shkurtit.
