Shërbimi Spitalor dhe Klinik Universitar i Kosovës ka shpallur konkurs publik për drejtor të QKUK-së.
Konkurse janë shpallur po ashtu edhe për Drejtor të Spitalit të Përgjithshëm të Mitrovicës dhe Ferizajt.
Aktualisht Qendra Klinike Universitare e Kosovës udhëhiqet nga U.D i drejtorit, Osman Hajdari.
Ndërkaq, spitali i përgjithshëm i Ferizajt, ka vite që udhëhiqet nga një ushtrues detyre, ngase kishin dështuar disa konkurse me radhë.
Në mars të vitit 2024, Fikret Arifi ishte emëruar ushtrues detyre i drejtorit në Spitalin e Ferizajt, pas më shumë se 5 javësh nga dorëheqja e udhëheqësit paraprak, Selajdin Sallahut.
Kurse, spitali i përgjithshëm i Mitrovicës prej më shumë se një viti, udhëhiqet nga U.D i drejtorit, Dr. Laura Nushi.
Konkursi do të jetë i hapur deri me datën 26 mars.
