Kryetari i Lidhjes Demokratike të Kosovës (LDK), Lumir Abdixhiku e ka uruar CDU për fitoren e arritur në zgjedhjet e Gjermanisë.
Ai ka thënë se kjo fitore është një dritare e re për Kosovën.
Sipas Abdixhiku, fitorja e CDU dhe fuqizimi i së djathës evropiane mbetet shpresë për Kosovën.
“Ditë e rëndësishme për Gjermaninë 🇩🇪; mundësi e re për Kosovën🇽🇰. Fitorja e Friedrich Merz dhe e CDU-së, është një dritare e re për Republikën tonë. Kam përcjellë që sonte urimet për z. Merz dhe miqtë tanë në CDU. Në çdo takim të deritanishëm me kancelarin e ardhshëm gjerman, kam marrë gjtihmonë mbështetje për Republikën tonë, për Lidhjen Demokratike të Kosovës. Ai i njeh mirë rrugëtimet tona, ai i mbështetë mirë qëllimet tona. Fitorja e CDU-së, si fuqizim i së djathtës evropiane, mbetet shpresë për vendin tonë! Herzlichen Glückëunsch CDU”, ka shkruar Abdixhiku në Facebook.
