Një incident ka ndodhur mëngjesin e sotëm në rrugën “Lidhja e Prizrenit” në Gjilan, ku një objekt është përfshirë nga zjarri, raporton Gazeta Sinjali.
Sipas informacioneve të para, zjarri ka shpërthyer në depon e një biznesi.
Në vendin e ngjarjes kanë dalë njësitet policore si dhe të gjitha ekipet emergjente, mes tyre edhe zjarrfikësit të cilët kanë arritur ta lokalizojnë zjarri.
Lajmin e kanë konfirmuar edhe nga Policia e Kosovës, të cilët kanë bërë të ditur se nuk ka persona të lënduar nga ky rast.
Hetuesit kanë ndërmarrë të gjitha veprimet e nevojshme për zbardhjen e rrethanave në të cilat ka ndodhur rasti.
