Andi Pajaziti i akuzuar për vrasjen e Kastriot Ramadanit në “Bon Vivant”, është liruar nga akuza për vrasje, ndërsa është dënuar me 2 vjet burgim për armëmbajtje pa leje, raporton Gazeta Sinjali.
Me aktvendim të veçantë, Pajazitit i është ndërprerë masa e paraburgimit.
Gjyqtari ka konstatuar se Pajaziti ka bërë mbrojtje të nevojshme në këtë rast, që ndodhi më 4 gusht 2023.
“Lirohet nga ky dispozitiv i aktakuzës sepse ka rrethana që e përjashtojnë përgjegjësinë penale, përkatësisht veprimet e të pandehurit janë në kuadër të mbrojtjes së nevojshme”- tha gjyqtari, raporton Sinjali.
