Sot u përurua rruga Zhur-Brod, që lidh fshatrat Zhur, Dragash dhe Brod, me një gjatësi prej 42 kilometrash dhe vlerë investimi prej 7.9 milionë euro.
Në përurim morën pjesë kryeministri Albin Kurti, ministri i Infrastrukturës Liburn Aliu dhe zëvendësministrat Hysen Durmishi dhe Jeton Raka, njofton Klankosova.tv.
“Rruga është e rëndësishme për qarkullimin, ekonominë dhe turizmin”, tha Kurti, duke falënderuar të gjithë ata që ndihmuan në realizimin e projektit.
Aliu theksoi se rruga do të ndihmojë zhvillimin e turizmit në Brod, ndërsa zëvendësministri Durmishi paralajmëroi rehabilitimin e një segmenti shtesë prej 2.4 kilometrash vitin e ardhshëm.
