Kandidat për deputet nga radhët e Partisë Demokratike të Kosovës, Arben Mustafa, duke i reaguar vendimit të Qeverisë së Kosovës për të ndarë si “dhuratë fund viti” 100 euro për pensinistët, ka thënë se me ardhjen e Bedri Hamzës në krye të shtetit, pensionistët do të përfitojnë 1 mijë euro më shumë gjatë gjithë vitit.
“Qeveria ndërmori veprimin e radhës si përpjekje për të mbuluar dështimin 4-vjeçar. Me këtë qeveri, pensionistët marrin vetëm 100 euro më shumë gjatë gjithë vitit. Me Bedri Hamzën Kryeministër, pensionistët do të marrin 1000 euro më shumë brenda një viti, dhe shumë më shumë kushte për përmirësimin e jetës për familjet kosovare”, tha Mustafa.
