Sot, më 10 dhjetor 2024, u realizua ceremonia e nënshkrimit të kontratave për mekanizmin me 176 fermerë përfitues, një hap i rëndësishëm në mbështetje të zhvillimit të sektorit bujqësor në Prishtinë, shkruan PrishtinaPress.
Në ngjarje ishin të pranishëm Donjeta Dragusha, Drejtoreshë për Zhvillim Rural dhe Bujqësi, dhe Jehona Lushaku Sadriu, Nënkryetare e Kryeqytetit, të cilat theksuan rëndësinë e këtij mekanizmi për përmirësimin e kushteve të jetesës dhe zhvillimin ekonomik të fermerëve të Prishtinës.
Ky program ofron mbështetje direkte për fermerët dhe kontribuon në forcimin e sektorit bujqësor të kryeqytetit./PrishtinaPress/
