Carney Chukwuemeka raportohet se ka dhënë dritën e gjelbër për t’iu bashkuar Milanit gjatë afatit kalimtar të janarit dhe ‘Rossonerët’ po shtyjnë që ta transferojnë atë si huazim me të drejtë blerje.
Sipas një raportimi nga Calciomercato, 21-vjeçari është pajtuar që t’i bashkohet Milanit muajin e ardhshëm dhe gjiganti italian do të shpresojë të arrijë një marrëveshje me Chelsean gjatë javëve në vazhdim.
Raporti tutje shton se Chukwuemeka ka qenë tash e sa kohë objektiv i Milanit më saktësisht i shefit të skautëve Geoffrey Moncada.
Ky i fundit raportohet se është personi që po kërkon transferimin e tij në ‘San Siro’ gjatë afatit kalimtar dimëror.
Calciomercato në fakt raporton se Milani është në bisedime me Chelsean dhe drejtuesit e klubit po shpresojnë se do të shtrëngojnë duart me klubin anglez së shpejti.
‘Rossonerët’ nuk janë klubi i vetëm që ka shprehur interesim për Chukwuemekan, i cili është i gatshëm të largohet nga ‘Stamford Bridge’ pasi ka bërë vetëm katër paraqitje në të gjitha garat.
Edhe Celtic Glasgow është po ashtu në mesin e skuadrave të interesuara, por Moncada mbetet në kontakt me agjentët e lojtarit, të cilët po shpresojnë t’i gjejnë klientit të tyre një skuadër të re së së shpejti.
