Kandidatja për deputete e Lidhjes Demokratike të Kosovës, Vlora Dumoshi, ka bërë ftesë për mobilizimin e votuesve të kësaj partie, duke thënë se “natyrisht që 40% është padyshim i kapshëm”.
Dumoshi tha se në LDK të gjitha idetë dhe gjeneratat ecin bashkë, teka shtoi se LK-ja është “stacioni i juaj i parë dhe i fundit politik”.
“Në LDK të gjitha idetë dhe gjeneratat ecin bashkë. Me koleget kandidat për deputet znj. Hykmete Bajrami, z. Krenar Xhaferi dhe z. Besian Mustafa, theksuam se Lidhja jonë është stacioni juaj i parë dhe i fundit politik”.
“Pra këtu është dallimi, sepse beteja e fituar është në mes nesh, e humbja është e tyre që angazhimin politik e shohin si sulm e përfitim personal. NE jemi shtëpi e madhe me traditë mbi 30 vjeçare, jemi shenjë e veçantë në ambientin e tanishëm të Republikës sonë”, shkroi Dumoshi, transmeton Klankosova.tv.
