Partia Social Demokrate i ka reaguar partisë në pushtet, Lëvizjes Vetëvendosje, mbi situatën e sotme të krijuar në Kuvend me rastin e pengimeve të punimeve nga Lista Serbe
Siç thotë PSD, konflikti me Listen Serbe në Kuvend, ishte inskenim i dobët i Vetëvendosjes, transmeton klankosova.tv.
”Serbia e zgjedhjeve është Serbia e Vetëvendosjes. Serbia është aset për projektet e munguara. Serbia është mjet për të shpallur armiq poshtë e lart.
Konflikti me Listen Serbe sot ishte një inskenim i dobët. Ndërkohë që s’kanë përgjigje për teatrin në grevë, kanë zgjedhur t’bëjnë shfaqje e filma vet. Konjufca e bëri sot një simulim elektoral. Ka 18 muaj që deputetët e Listës Serbe nuk janë Kuvend. Ata thjesht janë nënshkruar çdo 6 muaj për t’i marrë pagat. Por Glauku na u paska aktivizu vetëm sot, 2 muaj para zgjedhjeve.
“Patriot me bateria”, – kjo është shprehja popullore për atë që me fjalë hiqet si trim me fletë. Patriotizmi elektoral është patriotizëm me bateria”.
