Bayern Munich i ka arkëtuar pikët e plota në derbin kundër Paris Saint-Germain, pas fitores minimale 1:0.
“Bavarezzët” zhvilluan një paraqitje solide, duke dominuar në pjesën më të madhe të kohës.
Kim Min-Jae e bëri dallimin, ku realizoi me kokë pas një intervenimi të dobët së skuadrës mysafire (38’).
Situata për PSG-në u përkeqësua në minutën e 57-të, kur Ousmane Dembele mori kartonin e dytë të verdhë kësisoj u përjashtua nga loja.
Bayern lehtësisht mund të shënonte edhe së paku dy gola, mirëpo që Kingslay Coman e Jamal Musiala dështuan për t’i finalizuar aksionet.
Bayern tani ka 12 pikë në Ligën e Kampionëve, kurse PSG mbetet me katër sosh.
Ndërkohë, Barcelona i është kthyer fitoreve duke triumfuar në shtëpi ndaj Brestit me rezultat 3:0.
Robert Lewandowski e kaloi Barcelonën në epërsi pas vetëm 10 minutave lojë pasi shënoi nga pika e bardhë.
Për polakun ishte goli i 100-të në Ligën e Kampionëve, ku u bë lojtari i tretë në histori të këtij kompeticioni që e arrin këtë shifër pas Cristiano Ronaldos e Lionel Messit.
Barcelona ishte më e mirë në pjesën më të madhe të kohës, me Dani Olmon që e vulosi fitoren pas asistimit të Martin (66’).
Brest në fakt shënoi përmes Lage, por që goli u anulua për pozitë jashtë loje.
Krejt në fund, Lewa e vulosi fitoren pas një asistimi fantastik të Baldes (90+3′).
Katalunasit tani arkëtojnë 12 pikë në fazën e ligës të Ligës së Kampionëve, kurse Brest bie në vendin e 10-të me 10 sosh.
