Sot në Kosovë na pret mot kryesisht me diell dhe stabil, ndërsa mëngjesi do të jetë mjaft i ftohtë dhe me ngrica lokale. Temperaturat pritet të luhaten nga -4 deri në 10 gradë Celsius, pra pas një mëngjesi mjaft të ftohtë dita vijon me rritje të ndjeshme të temperaturave.
Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot me diell dhe vranësira të pakta lokale. Mëngjesi do të jetë i ftohtë sidomos në viset kodrinore-malore, ndërsa dita me rritje të temperaturave. Do të fillojnë të fryjnë erëra nga jugu dhe jugperëndimi.
Ditëve të ardhshme na pret mot relativisht i ngrohtë për këtë periudhë kohore, ndërkohë që vranësira fillojnë të shpeshtohen.
Me shtimin e vranësirave do të fillojnë reshje lokale të shiut, fillimisht (të martën) në Shqipëri, pastaj )të mërkurën) në mesjavë edhe në Kosovë dhe Maqedoninë Veriore. Temperaturat do të vazhdojnë të jenë të larta deri në mesjavë kur priten reshje të dendura shiu dhe pastaj reshje bore./MeteoBallkan
