Një lexues i portalit Klankosova.tv ka raportuar mëngjesin e sotëm në redaksi se në një shkollë në Gjakovë, nuk ka ngrohje të mjaftueshme.
“Në një shkollë në një fshat të Komunës së Gjakovës, në disa raste nuk po ka nxemje. Në shkollën Ukshin Miftari, në fshatin Skivjan i kanë drutë, por nuk po e menaxhojnë shkollën mirë. Nuk ka ngrohje të mjaftueshme, për nxënës shumë ftohtë”, deklaroi ai.
Por, kjo u mohua nga Drejtoria e Arsimit.
Drejtoresha Eranda Kumnova – Baçi, tha për Klankosova.tv se kjo nuk është e vërtetë.
“Krejt shkollat kanë nxemje, por Skivjani është shkollë pak më e madhe edhe sa do që të lëshohet nxemja, të ftohtit ndjehet”, tha ajo për Klankosova.tv
“Kjo shkollë vitin tjetër do të hyjë në renovim me Fondin e Efiçiencës”, theksoi Baçi-Kumnova/ Klankosova.tv
