Kryetari i Nismës Socialdemokrate Fatmir Limaj, në emisionin Rubikon në Klan Kosova i ka falënderuar të gjithë ata që e mbështetën pa kushte.
Limaj tha se nuk ka qenë e lehtë të mbështetej, pasi siç tha ai kishte kaluar 14 vjet procese gjyqësore me një numër prej 60 gjyqtarësh.
“Ndihem i respektuar që ata janë mirënjohës të punës dhe angazhimit që kam bërë dhe nuk e kanë luhatur besimin. Më kanë mbështetur dhe besuar në një kohë kur ka qenë e vështirë, është folur çkamos këtu”, tha ai në Klan Kosova.
Limaj përmendi “Aerportin e Prishtinës”, si një nga sukseset madhore të punës së tij.
Ai shpjegoi po ashtu edhe përfitimet që shteti i Kosovës i ka marrë nga kontrata që si ministër i Transportit e kishte nënshkruar në vitin 2009-të.
