Kryetari i Bashkimit Demokratik për Integrim (BDI), Ali Ahmeti ka përkujtuar heronjët Afrim Zhitia dhe Fahri Fazliun në 35 vjetorin e rënies.
Ahmeti ka thënë se Afrim Zhitia dhe Fahri Fazliu, ishin ndër të parët që nisën ortekun e luftës çlirimtare të kombit shqiptar.
Ai tutje ka thënë se Afrimi e Fahriu, ishin busollë orientimi dhe veprimi kombëtar për të gjithë atdhetarët ndër vite.
“Afrim Zhitia dhe Fahri Fazliu ranë në piedestalin e lirisë më 2 nëntor 1989, 35 vite më parë në Prishtinë. Ndër të parët që nisën ortekun e luftës çlirimtare të kombit shqiptar, Afrimi e Fahriu, ishin busollë orientimi dhe veprimi kombëtar për të gjithë atdhetarët ndër vite. Lavdi e përjetshme dëshmorëve të kombit, rroftë populli shqiptar.” – ka shkruar Ahmeti në Facebook.
