Raporti i Progresit i BE-së ka pasur kritika edhe në çështjen e arsimit.
Sipas këtij raporti, të siguruar nga Nacionale, Kosova ka bërë disa përpjekje për të përmirësuar cilësinë e arsimit.
Megjithatë, Raporti i Progresit vlerëson se ky përparim ende nuk është i prekshëm në “aspektin e performancën së studentëve”.
“Edhe pse Kosova po bën disa përpjekje për të përmirësuar cilësinë e arsimit, ende ka pak përparim në zbatimin e strategjisë së arsimit të Kosovës për 2022-2026. Progresi nuk është ende i prekshëm në aspektin e performancës së studentëve pasi ndikimi i hapave të ndërmarrë do të jetë i dukshëm vetëm afatgjatë” – thuhet në raport, ndër të tjera.
