Në Ambasadën e Republikës së Kosovës në Itali, u mirëprit një delegacion i Ministrisë së Mbrojtjes.
Ky delegacion ndodhet në kryeqytetin italian për një trajnim të organizuar nga ana e Italisë, përcjell Klankosova.tv.
Gjatë këtij takimi, sipas ambasadës u fol për raportet gjithnjë e më të mira mes Kosovës dhe Italisë në fushën e sigurisë dhe mbrojtjes në nivel dypalësh.
“Italia, që nga çlirimi Kosovës e deri më sot, vazhdon të jetë një ndër kontribuuesit kryesorë për paqen dhe sigurinë në Kosovë e tani edhe partner në ngritjen e kapaciteteve të Forcës sonë!”, thuhet në njoftimin e Ambasadës së Kosovës në Itali.
