Brendi i njohur Women’Secret, pjesë e Albi Group, ka dhuruar 100 palë sutjena onkologjike për pacientet e Spitalit të Kirurgjisë Torakale, në kuadër të fushatës për ndërgjegjësimin ndaj kancerit të gjirit, që shënohet gjatë muajit tetor, i njohur gjithashtu si Muaji Rozë.
Ky donacion ka për qëllim mbështetjen e grave që përballen me sëmundjen e kancerit të gjirit, duke ofruar mbështetje praktike dhe duke promovuar rëndësinë e kujdesit ndaj shëndetit.
Produktet e dhuruara nga Women’Secret janë të dizajnuara posaçërisht për të përmbushur nevojat e grave që kanë kaluar nëpër procedura kirurgjike si pjesë e trajtimit të kancerit.
