Kanceri metastatik i gjirit, i njohur gjithashtu si metastaza, kancer i avancuar i gjirit, tumor sekondar, apo kancer i gjirit i nivelit të katërt, është një fazë e kancerit të gjirit ku qelizat e kancerit përhapen në vende të tjera të organizmit në trup
Megjithëse zakonisht nuk konsiderohet i shërueshëm, ai mund të trajtohet dhe është e rëndësishme të njihen shenjat e hershme të përhapjes.
Zonat më të zakonshme ku kanceri i gjirit përhapet janë kockat, mushkëritë, mëlçia dhe truri. Kur qelizat e kancerit fillojnë të rriten në organe të tjera, mund të shfaqen simptoma të ndryshme ndërsa kanceri ndikon në mënyrën se si funksionojnë organet.
Mësoni simptomat e ndryshme që lidhen me kancerin metastatik të gjirit.
Dhimbje kockash pa ndalim
Një shenjë e mundshme e hershme e kancerit metastatik të gjirit, kur ai përhapet në kocka është dhimbja e kockave. Qelizat e kancerit mund të shkaktojnë inflamacion dhe dobësim të kockave ndërsa shkatërrojnë qelizat e kockave. Kjo lloj dhimbjeje është e vazhdueshme dhe përkeqësohet gradualisht me kalimin e kohës. Ajo mund të shtrihet në zona më të gjera, siç shpina, ijët apo brinjët.
Dhimbje të vazhdueshme në shpinë ose qafë
Qelizat e kancerit që hyjnë në kockat e qafës ose shpinës mund të shkatërrojnë kockat normale dhe të shëndetshme dhe të shkaktojnë dhimbje.
Mungesa e pashpjeguar e frymëmarrjes ose kolla e thatë
Kur kanceri përparon në mushkëri, mund të shkaktojë grumbullim lënde në hapësirën midis pleurës dhe mushkërisë. Ky grumbullim mund të shkaktojë presion mbi mushkëritë, duke mos lejuar që ato të fryhen plotësisht gjatë frymëmarrjes.
Vështirësi në urinim
Në sistemin urinar, shtypja e palcës kurrizore mund të shkaktojë vështirësi në fillimin e urinimit, ose vështirësi në zbrazjen e plotë të fshikëzës. Këto simptoma mund të shoqërohen gjithashtu me dhimbje në shpinë, mpirje ose ndjesi shpimi në këmbë.
Humbja e oreksit
Dhimbja, lodhja ose të përzierat nga kanceri apo trajtimet e tij gjithashtu mund të bëjnë që dikush të ketë një oreks më të ulët se zakonisht. Në ndryshim nga humbja e oreksit që shkaktohet nga stresi ose sëmundja, kjo lloj humbjeje oreksi mund të çojë në humbje drastike peshe.
Dhimbje të mëdha koke
Simptoma të tjera që mund të shoqërojnë dhimbjen e kokës janë ndryshimet në shikim, të përzierat, të vjellat, konfuzionin, ose vështirësitë me ekuilibrin dhe koordinimin. Dhimbja e kokës mund të jetë më e keqe kur zgjoheni, kur jeni duke u shtrirë, ose kur angazhoheni në aktivitete që rrisin presionin në kafkën, siç janë kollitja ose përkulja.
Probleme me shikimin
Rritja e presionit në tru nga kanceri mund të ndikojë në pjesët e trurit që janë përgjegjëse për shikimin, siç janë lobi okipital ose nervi optik. Kjo mund të çojë në probleme të ndryshme me shikimin, duke përfshirë:
– Shikim të mjegullt;
– Shikim të dyfishtë;
– Humbje të pjesshme të shikimit;
– Verbëri të papritur në raste të rralla.
Vështirësi në të folur
Kur kanceri i gjirit ndikon në zonat e trurit që kontrollojnë gjuhën, fjalimin dhe funksionet motorike, ai mund të ndalojë këto sisteme të funksionojnë normalisht.
Kjo mund të shfaqet si:
– Vështirësi në gjetjen e fjalëve;
– Humbje të papritur të aftësisë për të folur.
