I dërguari special i BE-së për dialogun ndërmjet Kosovës dhe Serbisë, Miroslav Lajçak, tha se është e rëndësishme të përcaktohen prioritetet e BE-së për të shmangur sfidat e ardhshme në Ballkanin Perëndimor.
Lajçak e tha këtë në edicionin e 14-të të Forumit To Be Secure (2BS) në Budva, konferenca kryesore e politikës së sigurisë në Evropën Juglindore dhe tema e këtij viti është “Bota në rrëmujë: Kthimi i sfidave në mundësi”.
“Këtë mëngjes iu drejtova edicionit të 2BSForum për vitin 2024 të organizuar nga Këshilli Atlantik i Malit të Zi. Në diskutimin për prioritetet dhe sfidat për Ballkanin Perëndimor, theksova rëndësinë e përcaktimit të qartë të prioriteteve të BE-së për të shmangur sfidat e ardhshme në rajon”, theksoi Lajçak në platformën “X”.
