Tre persona janë vrarë dhe tre të tjerë janë plagosur në një sulm izraelit në një lagje në Damaskun perëndimor, raportojnë mediat shtetërore siriane.
Ndërtesa trekatëshe e banimit në kryeqytetin sirian është në të njëjtën lagje që Izraeli tashmë kishte në shënjestër më 30 shtator, në një sulm që vrau tre civilë, sipas mediave shtetërore.
Observatori Sirian për të Drejtat e Njeriut thotë se ka regjistruar 93 sulme izraelite në territorin sirian që nga fillimi i vitit 2024, ka raportuar BBC, transmeton Gazeta Express.
