Asociacioni i Gazetarëve të Kosovës ka dënuar pengimin e gazetareve të Telegrafi dhe Kallxo gjatë punës nga një zyrtar i komunës së Mitrovicës së Veriut.
AGK përmes një reagimi, ka thënë se shefi i kabinetit të kryetarit të Komunës së Veriut nuk ka lënë gazetarët që të xhirojnë.
“Gazetarët gëzojnë të drejtë për të ushtruar detyrën e tyre të papenguar dhe çfarëdo përpjekje që cenon një të drejtë të tillë është e papranueshme, përkeqëson ambientin e të bërit gazetari dhe pengon informimin e drejtë dhe pasqyrimin objektiv të ngjarjes.
“Derisa unë po xhiroja arrestimin e Aleksandar Arsenijeviq, shefi i kabinetit të kryetarit të Mitrovicës së Veriut, Visar Syla ka vendosur dorën në kamerën e telefonit tim dhe më ka thënë ‘mos xhironi!’. Unë i kam thanë që detyrë e kemi. Njëjtë ka penguar edhe punën e koleges gazetare nga Telegrafi.com” , është shprehur gazetarja e Kallxo.com lidhur me ngjarjen.
“Nuk na ka lon me xhiru, i kemi thonë është detyra jone prape insistojke me ndal xhirimin”, ka thënë gazetarja e Telegrafit.”
