Ish shefi i grupit negociator për bisedime, Avni Arifi në RTK ka komentuar takimin e sotëm të kryenegociatorit të Kosovës, Besnik Bislimi me emisarin e BE-së, Mirosllav Lajçak në Bruksel.
Ai ka thënë se takimi i sotëm nuk ka pasur agjendë të harmonizuar, teksa e ka quajtur takim “koti”.
“Pozicionet edhe të Kosovës edhe të Serbisë kanë qenë të qarta, sidomos pas qëndrimeve të Vuçiqit dhe barrikadimit të Kosovës rreth tri pikave që i përmendi kryeministri. Më të vërtetë është e pa qartë se çka ka dashur të arrijë Lajçak në Bruksel. Një takim koti me një epilog të pritur dhe me një trajektore të dialogut e cila uroj që me ardhjen e zonjës Kaja Kallas të ndërpritet në tërësi dhe të kthehet dhe të fillojë me një format të ri, se kjo qasje është vetëm një humbje kohe” – ka thënë ai.
