Shefi i grupi parlamentar të AAK-së, Besnik Tahiri ka thënë se vizitat e rralla në Shtetet e Bashkuara të Amerikës nga Kosova, përbëjnë problemin kryesor të saj.
“Besoj se ne jemi në defanzivë, ka një kohë të gjatë që ne nuk kemi pasur ndonjë takim serioz të qeverisë, të kryeministrit, të ministrave, të kryetarëve të komunave, bile bile kur të hapet tema për të shkuar në Amerikë, nuk duhet të diskutohet sa njerëz sa po shkojnë, është shumë e rëndësishme që ne të shkojmë, për shkak se e kemi tregim”, tha Tahiri në Edicionin Special të Klan Kosova.
Lidhur me këtë, Tahiri u shpreh se kjo e brengos, pasi sipas tij ‘diplomacia, dhe mendësia e kësaj qeverisje është, s’kam as fjalë për ta përshkruar, shumë eksperimentale, e papjekur, dhe jostrategjike’, njofton Klankosova.tv.
Po ashtu ai thotë se tregimin e Kosovës nuk po e bën vet ajo, por armiqtë e saj.
