Një figurë e rëndësishme vjen sot në Kosovë. Lajmin e ka konfirmuar dje kryeministri Albin Kurti në mbledhjen e qeverisë që drejton.
Ai njoftoi se sot për vizitë do vie Thomas Goffus, ndihmës sekretari për operacione i NATO-s
Kurti thotë se në të gjitha këto takime diskutohet edhe çështja e hapjes së urës qendrore mbi lumin Ibër.
“Në të gjitha këto takime natyrisht diskutohet edhe çështja e hapjes së urës qendrore mbi lumin Ibër në Mitrovicë, për të cilën jemi duke i bërë të gjitha konsultimet e nevojshme si dhe punët tona të shtëpisë, si për shembull trajtimi i draftit preliminar për qëndrueshmërinë fizikë të urës teksa presim raportin final, e deri të përgatitjet për rregullimin e pamjes dhe pastrimin e mjedisit rrotull”.
“Hapja e urës është liri e lëvizjes e liria e lëvizjes është e drejtë themelore si në Kosovë por edhe në Bashkimin Europian”- theksoi dje Kurti.
Kurti rikujtoi se javën e kaluar ka pritur në takim shefin e Agjencisë Qendrore për Inteligjencë, William Burns dhe admiralin Stuart Munch.
Ai theksoi se mbështetja e këtyre zyrtarëve “është e palëkundur” teksa shtoi se përkushtimi i përbashkët “është serioz dhe produktiv në shërbim të paqes dhe sigurisë”.
