Deputet i VV-së, Mefail Bajqninovci, ka shkruar një status, në të cilin e ka komentuar takimin në mes kryeministrit Albin Kurti dhe shefit të CIA-s, William Burns.
Në shkrimin e tij, Bajqinovci ka pasur kritika ndaj opozitës
Bajqinovci e ka akuzuar opozitën për spekulime.
“Disa opozitar dhe analist janë lodhur duke deklaruar qysh shefi i CIA-s nuk e takon Kryeministrin Kurti duke mbjellë dyshime dhe pasiguri, por faktet flasin vetë. Takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në. Përgjigja më e mirë ndaj spekulimeve opozitare është puna konkrete dhe angazhimi i vazhdueshëm për të mirën e vendit tonë. Kosova ecën përpara, pavarësisht përpjekjeve për të na penguar”, ka shkruar ai.
