Kryetari i AKR-së, Behgjet Pacolli, i ka adresuar një varg ankesash në drejtim të partisë në pushtet, Lëvizjes Vetëvendosje.
Pacolli i ka numëruar premtimet që kjo parti nuk i ka realizuar.
Ai po ashtu bëri të ditur arsyen se pse si deputet nuk e kishte votuar Qeverinë Kurti 1.
“Premtimet elektorale të partisë në pushtet ishin shumë të zhurmshme: Nuk do të ketë asnjëherë bisedime me Serbinë: Derisa Kosova të mos hiqet nga Kushtetuta e Serbisë si pjesë përbërëse e saj; Derisa të mos na kthehen trupat e pajetë të të pagjeturve; Derisa të mos kthehen librat kadastralë”.
“Derisa të mos paguhen dëmet e luftës; Derisa të mos ndalet financimi i strukturave paralele në Kosovë; Derisa të mos kthehen fondet pensionale; Derisa Serbia të mos e njohë Kosovën. Kjo ishte edhe arsyeja pse ne atë kohë votova për qeverinë Kurti 1”, ka pohuar Pacolli.
Ndryshe, të premten presidentja e Kosovës, Vjosa Osmani, e ka nënshkruar dekretin për zgjedhjet.
Zgjedhjet Parlamentare pritet të mbahen më 9 shkurt 2025.
