Sot (e shtunë) është në orar për t’u zhvilluar vetëm një ndeshje në kuadër të javës së dytë në Albi Mall Superligën e Kosovës.
Java e dytë e Superligës së Kosovës fillon sot, me një ndeshje që zhvillohet gjatë ditës së sotme, dy nesër (e diel), një të hënën dhe Prishtina-Drita e shtyrë tashmë.
Në përballjen e sotme, ekipi i inkuadruar këtë sezon, Suhareka e Shpëtim Duros e pret Dukagjinin e Ismet Munishit.
Ky takim pritet të zhvillohet në stadiumin e qytetit në Suharekë me fillim nga ora 17:00.
Të dy ekipet duan tri pikeshin e parë, pasi vendasit luajtën baras 0-0 në Prishtinën në ndeshjen e parë, ndërsa Dukagjini u mposht 2-0 nga Ballkani.
