Një konflikt mes dy familjeve ka pasur pasoja tragjike për një person, i cili mbeti i vdekur në Zllakuqan të Lipanit.
57-vjeçari vdiq si pasojë e plagëve të marra nga një mjet i mprehtë (thikë).
Po ashtu edhe një person tjetër ka mbetur i plagosur rëndë.
Klankosova.tv ka mësuar se ai është i lindur në vitin 2009, pra 15-vjeçar.
Nga Emergjenca bënë me dije se aktualisht gjendja e tij është stabile.
“Gjendja e tij është stabile, është transferuar për trajtim në Klinikën Torakale”, thanë nga QKUK-ja.
Lidhur me rastin dy persona kanë përfunduar në pranga.
Dyshohet se deri tek përleshja erdhi për motive të ulëta.
Klan Kosova mëson se “mollë sherri” i qërimit të hesapeve mes dyja familjeve atje është bërë Tik-Toku.
Fillimisht konfliktin tragjik e nisën fëmijët, për t’u përfshirë më pas edhe të rriturit.
