Asociacioni i Gazetarëve të Kosovës ka njoftuar se gazetarja Blerta Dalloshi – Berisha do të paraqes të premten rreth orës 14:00 ankesë në Prokurorinë e Apelit.
Kjo pas vendimit të prokurorit Kastriot Berisha, i cili ka hedhur poshtë kallëzimin penal për sulm nga mbrojtja e afërt e kryeministrit të Kosovës Albin Kurti ndaj gazetares.
“Të nderuar kolegë, Ju njoftojmë se nesër, 02.08.2024, nga ora 14:00, Anëtarja e Bordit të AGK-së, gazetarja e TV Klan, Blerta Dalloshi – Berisha, do të paraqesë në Prokurorinë e Apelit, ankesën kundër vendimit të prokurorit, Kastriot Berisha, që ka hedhur poshtë kallëzimin penal për sulmin e mbrojtjes së afërt të Kryeministrit Kurti, Bardhyl Rrustemi, ndaj saj. Ju ftojmë ta ndiqni këtë ngjarje.” – thuhet në njoftimin e AGK-së.
